Գերմանական առաջատար ավտոարտադրողներից մեկը՝ BMW-ն, հայտարարել է մոտ 250,000 X5 xDrive 35d քրոսովերի աշխարհից հետ կանչելու մասին՝ ղեկի հնարավոր անսարքության պատճառով, հայտնում են արտասահմանյան լրատվամիջոցները և ԱՄՆ-ի Ճանապարհային երթեւեկության անվտանգության ազգային վարչությունը (NHTSA):
Հետկանչման ենթակա են 2008 թվականի սեպտեմբերի 1-ից մինչև 2012 թվականի նոյեմբերի 15-ն ընկած ժամանակահատվածում արտադրված մեքենաները: Հետկանչի պատճառը եղել է ղեկի հոսանքի գոտու ճախարակի պտուտակի հնարավոր թերությունը, ինչի հետևանքով մեքենայի վարորդը պետք է զգալի ջանքեր գործադրի մեքենան վարելու համար, ինչն իր հերթին կարող է հանգեցնել վթարի։
Մասնավորապես, ԱՄՆ-ում հետկանչման է ենթակա 29800 ավտոմեքենա։ Կանադայում մոտ 5500 մեքենա հետ է կանչվելու։ Եվրոպայում և Ռուսաստանում հետ կանչված մեքենաների ստույգ թիվը դեռ չի նշվում, սակայն, ըստ Associated Press-ի, մոտ 250 հազար մեքենա ենթակա է հետկանչման։ Հետկանչը կսկսվի 2013 թվականի հունվարին։
BMW-ն, որը հիմնադրվել է 1913 թվականին, սկզբնապես արտադրում էր ինքնաթիռների շարժիչներ: 1928 թվականին, Էյզենախում ավտոմոբիլային գործարանի ձեռքբերումից հետո, սկսվեց ավտոմեքենաների արտադրությունը։ Կոնցեռնի ամբողջ աշխարհում տարեկան արտադրվում է միջինը ավելի քան 1,5 միլիոն ավտոմեքենա և ավելի քան 100 հազար մոտոցիկլետ։ Ընկերությանը պատկանում են նաև Mini և Rolls-Royce ապրանքանիշերը:
Home | Articles
April 20, 2026 01:01:07 +0300 GMT
0.002 sec.
