İtalyan motosiklet istehsalçısı Ducati-ni bu ilin əvvəlində Audi-yə satan InvestIndustrial, Küveytin İnvestment Dar investisiya qrupundan Aston Martin-in 37,5 faiz payını alıb. Həmçinin, Avropa firması doqquz nəfərdən ibarət direktorlar şurasında dörd yer aldı. Sövdələşmə 150 milyon funt-sterlinq (240 milyon dollar) təşkil edib. Bu barədə Autocar nəşri məlumat yayıb.
“Biz şadıq ki, InvestIndustrial Group Aston Martin-in əsas səhmdarı olmağa qərar verdi. Invenstment Dar-ın köməyi ilə son beş il ərzində biz lüks avtomobillərin aparıcı istehsalçılarından birinə çevrilmişik. InvestIndustrial-ın investisiyası Aston Martin-in sənayedəki unikal mövqeyini təsdiqləyir. Yeni tərəfdaşlarımız və İnvenstment Dar ilə birlikdə biz bütün planlarımızı həyata keçirəcəyik”, - Aston şirkətinin həmsahibi David Richards bildirib.
Müqavilənin bir hissəsinin britaniyalı superkar istehsalçısının Mercedes-Benz və AMG ilə ortaqlığı olacağı barədə əvvəllər yayılan xəbərlərə baxmayaraq, almanlar Aston Martin ilə əməkdaşlıq etməyəcəklər. Eyni zamanda, ola bilsin ki, britaniyalılar Toyota və ya Ford ilə birgə işə başlasınlar. Yaponlar əvvəllər də səhmlərin payına potensial iddiaçılar arasında idilər.
Sövdələşmə nəticəsində InvestIndustrial qrupu Britaniya istehsalçısının minoritar səhmdarı oldu. Bu şirkətdən əlavə, Aston Martin-in payı Küveytin Investment Dar (əsasən səhmdar), eləcə də Aston Martin-in baş icraçı direktoru Ulrix Betz və direktorlar şurasının sədri Devid Riçardsa məxsus olmaqda davam edir.
InvestIndustrial-ın səhmlərin alınmasına xərclədiyi 150 milyon funt-sterlinqdən 100 milyon funt-sterlinq (160 milyon dollar) növbəti beş il ərzində yeni məhsulların hazırlanması proqramına xərclənəcək. Yeni səhmdarların planlarına model çeşidinin genişləndirilməsi və bütün dünyada diler şəbəkəsinin genişləndirilməsi daxildir.
InvestIndustrial-dan başqa Hindistanın Mahindra & Mahindra şirkəti də Aston Martin-də pay sahibi olduğunu iddia edib. Əvvəllər bildirildiyi kimi, hindular pay üçün daha böyük məbləğ təklif etmişdilər, lakin digər avtomobil istehsalçıları ilə potensial tərəfdaşlıq Invenstment Dar nümayəndələrini avropalı tərəfdaşların xeyrinə sövq etdi.
Home | Articles
April 20, 2026 07:39:16 +0300 GMT
0.008 sec.
